第二日七點起身，兩隻懶豬仲未醒，一於同太太去會所「偷食」；Sheraton Club Lounge喜來登行政酒廊，只要是酒店行政套房的人客，又或是加錢升級，即可享用當中設施及服務，當然包括免費自助早餐（7:00am—10:30am）
、黃昏雞尾酒會（5:30pm-7:30pm）及飲品（6:00pm-9:00pm）
，更有健身室及網吧，環境又寧靜，不錯。
因為要留肚同史力加食早餐，所以只係食少少打底，食左碗檳城蝦麵，辣辣地幾惹味，加碗瘦肉粥，夠綿夠開花，煎隻蛋同食少少ham，最後飲杯橙汁同綠色益力多頂住肚先。
返到房竟然仲未醒，真係入屋打劫都未知，做爸爸既，結果用「優美」及高八度既歌聲叫醒佢地，因為我每次開聲佢地都會叫救命，哈哈！
食左幾件餅就捉佢地落泳池游水，估唔到咁早都已經好多人，池區分成好多個又有暖水噴射池，即刻搵個靚位，任由熱水沖刷肌肉，整個人都鬆馳晒，真係好舒服。
早餐位於四樓，原先是Ballroom的地方，客人只要加$100就可以參與，入口處有工作人員歡迎，而大堂已設計成古堡式宴會廳，高懸的國旗，很有氣勢，四角分成不同卡通的區域，食物亦按不同動畫而命名，有趣得意，很受在場的小朋友歡迎；而動畫明星會由10:00am開始，每隔十五分鐘出現一次，然後轉到所屬區域同小朋友拍照，當然，小朋友亦可以自己跑過去跟他合照，總之是皆大歡喜。
(相關食評 : 弊家伙.史力加黎左~~~盛宴 (喜來登酒店)
早餐過後都已經11:30am，跟食友離隊，轉同公關姐姐參觀其他房間，幾間行政級或總統套房果然設備齊全，就連按摩椅按摩檯都有，廚房、水吧更不在話下，鉅細無遺，welcome wine更是吸引，一分錢一分貨從來都是真理。
回到房間，兩位囝囝仲要去睇恐龍，老遠跑過去，點知中伏，奉勸大家考慮清楚，因為所有恐龍都是機械恐龍，並非實物，而要加錢睇既3D電影，原來電視台都播過，大家還是留在酒店多影幾張相仲好。
(相關活動 : 澳門興奮之旅@「金光大道度假區—體驗夢工場」(Day 1)
地址 : 澳門喜來登酒店
如果喜歡這篇文章,請在我的專頁上剔"LIKE",當是給我小小的鼓勵吧!謝謝!
http://www.facebook.com/#!/foodiephilip
沒有留言:
發佈留言