妹仔大過主人婆~~~~永華麵家(灣仔)

自己一向喜歡麵食，不論中外，只要好味，就算山長水遠，總會忍不住跑一趟。特別是城中幾間老字號麵家，麥文記、劉森記、黃枝記、池記及永華，差不多每隔一星期，便會心癢癢的。 

是晚，雖然是自己跟食友龍五兄的生日飯局，但早了點在附近閒逛，兩腳不期然朝永華走。 黃昏時段，晚飯太早，如果有點餓，一麵碗剛剛好；其實個人最偏好麥文記的出品，只可惜水準飄忽，而永華早幾年的麵條常帶點鹼水味，令自己光顧的意慾直線下跌。 

但是店內有一款免費食品----醃蘿白，在坊間已經少之又少，只有幾間舊店提供，上環大牌檔水記、深水埗劉森記及永華麵家。雪白的蘿蔔粒，清新爽脆，又帶點辛辣，微酸的口感，令人食慾大開，所以每次光顧，至少會吃掉三份一瓶，既免費，又好味，吃得夠過癮。

此刻，雲吞麵似乎已成了配角，竹昇麵條是用人手製作，柔韌而有彈性，咬落有嚼勁，湯底是用上烤過的大地魚、蝦籽及蝦殼，滿是濃郁的蝦香，也許有人認為份量太少，但雲吞麵是源自廣州西關大少，用來作宵夜，有一次跟鏞記甘老先生聊起，說有部份富貴人家，會澆上桂花蟬油來提味，實在令人神往；

雲吞是傳統舊式規格，金魚散尾，一口一粒，蝦仁彈牙，看來已回復當年的水準。

店內裝潢的確有點殘舊，但在地產霸權下，埋單不過$32，比起十五蚊碗大大粒「蝦餃」當然不同，但舊店已日漸減少，何況有難得的醃蘿白？值得大家來支持一下吧!

地址 : 灣仔軒尼詩道89號地下

電話 : 2527 7476
味道 : 5  

環境 : 3  

服務 : 3  

衛生 : 4  

抵食 : 3