海南少爺 (沙田) @ 新年攪新意

眨下眼，話咁快又到新年，賀年食品開始紛紛湧現，各式糕點糖果，都是送禮佳品，如果想有D新意既，不妨試下近年銳意年輕化的海南少爺出品「少爺撈起」。

 老實講，新年最講究意頭，菜色都加上祝賀的語句，而「撈起」成了餐檯上的新貴，不單變化多端，一班人食更加熱鬧，按星馬當地傳統，會事先預備一隻大碟或者大碗，由家中有重要地位的人，把食材逐樣夾起，而且是逐樣講一句祝福說話，又幾有意思喎！

然後，大家會一齊用筷子由下至上將食材及醬料攪勻，並一邊講「撈起！撈起！」感覺有點似睇賀年節目。

 

今次海南少爺出品，餡料出奇地豐富，阿拉斯加蟹腳、脆鯇片、小蘿蔔絲、紅椒絲、墨魚片、海蜇、薄脆、青瓜絲、紅柚肉、粗粒花生、甜陳皮絲、甜冬瓜絲一共超過20款食材。

 

顧客可以外賣拎返屋企，清潔衛生，撈完之後再淋新加坡魚生醬(因為撈起又叫魚生)，酸酸甜甜的口感好開胃，但奉勸一句，醬汁要攪勻先好落，否則食物會好酸同出水。

 

食落有香脆、微酸、清甜，口感複雜，也許是時候攪攪新意思了。

P.S : 撈起將會由2月6日起在各間分店出售

地址 : 沙田正街18號新城市廣場L1樓113號鋪

電話 : 21172368

味道 : 3   環境 : 4   服務 : 4   衛生 : 4   抵食 : 3  位置 : 4

如果喜歡這篇文章,請在我的專頁上剔"LIKE",當是給我小小的鼓勵吧!謝謝!

http://www.facebook.com/foodiephilip