歪理當真理？

八月十七日，夜，一個沉鬱的晚上，跟太太在會展折騰了近十二小時，雙腳已感到有點發抖，加上揹著斗大的背囊，汗水正沿兩頰流下，累得不得了。

好不容易等到104號巴士過海，找個近門處坐下喘氣；豈料，還未入隧道，便橫生事端。正當奄奄欲睡的一刻，車頭近入錢的位置傳來一位女士的斥罵聲，八掛的心態把睡魔踢走了，豎起耳朵聽過明白；大概是女士上車時只付了優惠車資，當司機指示入回正常車費時，即刻發難。大家試想想，如果是八達通出錯，大可拿出給車長過目，以表清白，但這位女士先捉著車長的用字不當，再加一句無禮貌，指東打西，迴避問題，完全是身有屎的舉動。

司機正在駕駛，給這一鬧，巴士亦開始停下，但女士得勢不饒人，車廂內就只得一把高八度的嘈音；畢竟香港人都是有正義感的，站在旁邊的兩位男士先後加入戰團；在一哭、二鬧、三上吊高招還未出下，只出一招潑婦罵街，兩人即時敗陣，對手果然久經訓練，出口成文，句句去盡，本末倒置，左一句關妳乜事，右一句我之前都係咁用，最後加一句：「我係咁架， 點吖！」

我真係頂妳個肺，正想出聲既時候，車尾都已經有人加把口，難得位司機忍住火，照樣開車，過隧道後，呢位充滿歪理既女士，先拍片，再打電話，落車前故意去睇車長心口個名牌，荒死人唔知；講真，睇下「大銀幕」上面都有啦！

 

近年各行各業，平白多朋投訢，表面睇似乎多了渠道，而實際上，是濫用成風，上班時所受的冤屈氣，看看誰的時運低，找個機會發洩一下，一個好彩，受害人還要向係你say sorry令你身心暢快，重則撈個什麼優惠，或是有禮物回饋，只蠃不輸的沒本錢買賣，多化算！

 有時心想，廣告中的一句：「今時今日咁既服務態度係唔得既！」係咪真係啱呢？