鄉間濃情

近呢幾年，每逢新春又或者大時大節，盆菜都似乎成為懶人之選；不論在家宴請親友，又或者街坊團拜，總會有一局係左右。 

不過大家都會安坐家中，有時會上酒樓，但係有無想過可以一百幾十圍，坐係祠堂門口，同成條圍村村民食地道盆菜？ 難得有機會識到村長，「厚顏無耻」地掹衫尾，膽粗粗走入人家慶祝新春的活動。 

有時真的要佩服人地，一條二千幾人既村，交通未算方便（有小巴入），依然有議員出錢出力，「蛇齋餅糭」的威力，是在於對人的關心，辜勿論是否真心，但好感的確油然而生！

  

村口一早已搭好舞台，音響樂器齊全，幾十席在空地密密麻麻的擺開，見時間尚早，就四圍影下相。

 

開始入夜，村民漸多，而且是大家見慣見熟的村民，氣氛不單熱鬧，更加有一種大家族的感覺，此情此境，以往從未見過。 

原先十人一圍的盆菜，結果只有七名大漢食，當然食唔晒。

  

盆菜本身就是齊合多數重口味食物，由上而下係白切雞、海蝦碌、炆冬菇、炸門鱔乾、魚蛋、五花腩、土魷、豆卜、腐竹及蘿白，雖然並非山珍海錯，但卻是別有一番風味。

  

台上不單有醒獅採青，又請來歌舞團，仲有魔術表演。

 

押續仲有抽獎，食友手氣好，連中兩份檯獎，先係五公斤米，再黎三包史雲生清雞湯，就結婚既人，果然好運到無朋友，不過要由屯門拎到返薄扶林，運氣好都要付出既，好合理吖！ 

話咁快兩三個鐘過去，始終都會曲終人散，但那種鄉民之間的互動，那份風土人情，在下真的十分欣賞，難得村長順口話下次中秋節再搵我，放心，我一定到！